Policia e Shkodrës ka reaguar për vrasjen e ndodhur këtë mbrëmje nl zonën e Kirasit. Blutë bëjnë me dije se viktimë mbeti një 19-vjeçar, Erjon Xhenje, i cili nuk mbijetoi dot. Policia gjeti një motocikletë të djegur në lagjen “Guerrile”, me të cilën u larguan autorët e dyshuar të vrasjes.
Njoftimi i plotë i policisë:
Rreth orës 20:10, në bulevardin “Bujar Bishanaku”, në lagjen “Naim Gjylbegu”, në një lokal, në rrethana ende të paqarta, është vrarë me armë zjarri shtetasi E. Xh., 19 vjeç, banues në Shkodër.
Shërbimet e Policisë janë vënë në ndjekje të autorëve, të cilët janë larguar me një motoçikletë.
Në lagjen “Guerrile” është gjetur nje motoçikletë duke u djegur dhe një armë zjarri pistoletë, që dyshohet se janë përdorur nga autorët.
Grupi hetimor nën drejtimin e Prokurorisë ndodhet në vendngjarje dhe vijon punën për zbardhjen e rrethanave të ngjarjes dhe identifikimin e autorëve.
Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve.
