Trajneri i Romës, Zhoze Murinjo, nuk i ka mbajtur dot nervat në sfidën përballë Atalantës, kur Zaniolo rrëzohet një moment në zonë dhe pretendon për një goditje dënimi në kufi të zonës.
Gjyqtari ndryshoi vendimin e tij dhe e dha si goditje dënimi për Atalantën, gjë që duket e ka nervozuar keq portugezin.
Murinjo hyri në fushë duke protestuar dhe me ofendime drejt Daniele Çifit, me këtë të fundit që shkoi dhe i drejtoi kartonin e kuq.
Në këtë mënyrë, portugezi do të humbasë ndeshjen kundër Interit në javën e tetë të kampionatit, që do të luhet menjëherë pas sfidave të kombëtares.
