“Shqipëria han pa porta, e ka mbushur me banane”- Sulmi kibernetik, Meta: Rama duhet të jepte dorëheqjen! Sistemi i bankave nuk pranoi të futej në e-Albanian e ‘shqyer’.
Meta u shpreh se shpreh kënaqësinë që sistemi i bankave sot është i mbrojtur pasi sipas tij nuk pranoi të futej në sistemin e-albania të qeverisë.
Ai deklaroi se nuk ka fëmijë që nuk e kupton sa rëndë është cenuar siguria kombëtare, ku janë cenuar edhe sistemet më rëndësishme.
“Në qoftë se në momentin kur u hakerua sistemi dhe dolën të dhënat e qytetarëve shqiptarë para zgjedhjeve dhe u bë e qartë se I kishte nxjerrë qeveria, nuk do ishim kurrë në këtë situatë. Nuk do kishim pasur sulme nga qeveria e Iranit apo grupe të tjera. Por ndjenja e përgjegjësisë do të ishte shumë më e lartë. Shpreh kënaqësinë që sistemi I bankave ka qenë i mbrojtur.
Dhe që nuk e pranuan që ta integronin sistemin e bankave në e-albanian e tij që ishte shqepur me kohë. Nëse ai ka shqetësimin që të mos krijohet panik, të ruhet siguria kombëtare, akti më minimal i përgjegjësisë së tij do të ishte dorëheqja sepse ka dështuar dhe ka gënjyer. Ai nuk mund ta shmangë këtë situatë duke frikësuar gazetarët dhe mediat. Prokuroria duhet të veprojë në drejtim të atyre që kanë cenuar këtë sistem brenda vendit me veprimet dhe mosveprimet e tij.
Nuk kam pasur informacion të tillë për sulmin ndaj Albin Kurtit. Sa i takon cenimit të sigurisë kombëtare, nuk ka fëmijë që nuk e kupton sa rëndë është cenuar ajo kur janë goditur edhe sistemet më të rëndësishme.
Edhe truri i policisë së shtetit. Një njeri I papërgjegjshëm që ka kthyer Shqipërinë në han pa porta, e mbyti Shqipërinë me banane. Siguria kombëtare për atë është e fundit. Nuk e përjashtoj, nuk kam ndonjë shqetësim sepse jam i bindur që presidenca ka qenë model me komunikimet institucionale”, tha Meta.
