Kryepolici Muhamet Rrumbullaku ka anuluar nismën për gradën kryekomisar në Policinë e Shtetit, të hapur disa javë më nga ish-paraardhësi i tij, Gledis Nano. Gara ishte e hapur për aplikime deri në datën 30 shtator, por Rrumbullaku ka vendosur ta anulojë me pretendimin e bërjes së ndryshimeve në strukturë.
Pas përfundimit të ndryshimeve, pritet të shihet sa vende do të jenë bosh për t’i zëvendësuar. Nano më herët kishte hapur garën për “kryekomisar” për 75 vende. Pas aplikimeve dhe verifikimeve të kushteve ligjore dhe dokumenteve do të mbahet konkursi në Akademinë e Sigurisë. Me gradën kryekomisar Gledis Nano kishte parashikuar që gjithashtu të kishte të drejtën për emërim shef komisariati. Hapja e garës u bë me firmë te kryepolicit Gledis Nano.
