Kryeministri Edi Rama ka zhvilluar një takim me të dërguarin e BE-së për dialogun Kosovë-Serbi, Miroslav Lajçak. Vizita është zhvilluar në New York, ku Rama dhe Lajçak ndodhen për të marrë pjesë në të Asamblesë së Përgjithshme të Kombeve të Bashkuara.
Takimin e bëri me dije Lajçak përmes një postimi në rrjetin social Twitter, ndërsa ka postuar edhe një foto me Ramën. Lajçak shkruan se kanë diskutuar për situatën në Ballkanin Perëndimor.
“Pata një takim shumë të dobishëm me Edi Ramën në prag të Asamblesë së Përgjithshme të Kombeve të Bashkuara. Ne diskutuam situatën në Ballkanin Perëndimor. Mirënjohës për njohuritë dhe mbështetjen e tij për dialogun e lehtësuar nga BE-ja”, shkruan Lajçak për takimin me Ramën.
