Pas deklaratës shokuese të modeles në Instagram e cila akuzoi këngëtarin Adam Levine se ka tradhtuar gruan e tij, tashmë kanë dalë dhe shumë vajza të tjera të cilat kanë ‘nxjerrë zbuluar’ këngëtarin e Maroon 5, për dërgimin e mesazheve ngacmuese.
Një komediane e quajtur Maryka postoi të martën një seri fotosh të bisedës së supozuar me këngëtarin, në të cilën ai i thotë asaj: “Hiqe mendjen duke u q*** me mua!”
Maryka postoi gjithashtu një video private që Levine i kishte dërguar asaj në të cilën ai thotë: “Unë jam budalla”, megjithëse konteksti në të cilin ai e dërgoi nuk është plotësisht i qartë.
Një grua tjetër, Alyson Rosef , postoi gjithashtu një sërë mesazhesh në Instagram, që supozohet se i ishin dërguar nga Adami, në të cilat lexohet: “Nuk duhet të flas me ty, e di?” Gjatë një tjetër bised, kur Alyson thotë se i pëlqen vetëm muzika metalike, Levine i është përgjigjur: “Thashë nuk ka vajzë më seksi se sa ty”
Alyson thotë se ajo mori vendimin për të postuar mesazhet në Instagram sepse ndihet shumë keq për gruan e Adamit dhe inkurajon vajzat e tjera të bëjnë të njëjtën gjë.
Modelja e Instagramit Sumner Stroh ishte e para që ekspozoi mesazhet e Levine, duke thënë se të dy kishin një lidhje, dhe duke treguar një shkëmbim mesazhesh ku Levine foli për lindjen e fëmijës së tij të ardhshëm– “Ok pyetje serioze, do të kem një fëmijë tjetër dhe nëse është një djalë, dua ta quaj Sumner. A të pëlqen? E kam shumë seriozisht!”
Në një deklaratë për TMZ të martën, Adam reagoi pas akuzave kundër tij:
“Unë rashë pre e mendjelehtësisë kur nisa biseda flirtuese me dikë tjetër përveç gruas sime. Unë nuk kam pasur një lidhje, megjithatë, e kam kaluar kufirin dhe penduar. Në disa raste e teprova. Unë jam munduar ta ndryshoj dhe kam ndërmarrë hapa të mëdha për ta korrigjuar këtë gabim me familjen time. Gruaja ime dhe familja ime janë gjithçka që më intereson në këtë botë. Të jem aq naiv dhe aq budalla sa ta rrezikoj, e vetmja gjë që me të vërtetë ka rëndësi për mua. Ishte gabimi më i madh që mund të bëja ndonjëherë. Nuk do ta bëj më kurrë. Marr përgjegjësinë e plotë. Do ta kalojmë së bashku.”
