Një 47-vjeçar ka rënë në prangat e policisë, pasi është kapur me naftë të kontrabandë. 47-vjeçari u kap në shtëpinë e tij në Kashar të Tiranës, me 2 mijë litra naftë, të futur në një depozitë metalike dhe bidonë plastikë.
Operacioni u zhvillua nga Seksioni për Hetimin e Krimit Ekonomik dhe Financiar, ndërsa në pranga ka rënë Alfred Hoxha. Ai kishte si qëllim që ta shiste naftën e kontrabanduar.
Vetëm pak ditë më parë, policia sekuestroi rreth 2 mijë litra kontrabantë në Tiranë, ndërsa në Durrës u kap 2275 ton naftë kontrabandë me anije cisternë që vinte nga Libia në Shqipëri.
