Hetimet për vrasjen e 19-vjeçarit Erjon Xhenje, kanë marrë një rrjedhë pozitive. Burime konfidenciale nga grupi heimor bëjnë me dije se kamerat e sigurisë kanë evidentuar autorin e kësaj ngjarje të rëndë që tronditi mbarë opinionin publik në Shkodër.
Sipas ekspertëve të grupit hetimor, Policia e Shkodrës është pranë identifikimit të autorit të kësaj ngjarje. Dyshohet se autor është Bajram Çekorja, djali i 57-vjeçarit të ekzekutuar në 2 shtator, Ismet Çekorja. Nga ana e hetuesve priten edhe përgjigjet e analizave laboratorike për të gjetur edhe gjurmët e gishtave pranë pistoletës e cila dyshohet se është përdorur për kryerjen e kësaj vrasje.
Për shkak te hetimeve, ekspertet nuk japin detaje në lidhje me identitetin e autorit.
Një ditë më parë në Policinë e Shkodrës ka qenë vetë Drejtori i Përgjithshëm i Policisë së Shtetit, Muhamet Rrumbullaku i cili ka kërkuar angazhimin e të gjithë strukturave të Policisë për zbardhjen dhe arrestimin e autorëve të kësaj ngjarje ku humbi jetën 19 vjeçari Erjon Xhenje.
