Këngëtari dhe prezantuesi Ardit Gjebrea ka zbuluar se edicioni i festivalit “Kënga Magjike” do të ketë shumë surpriza këtë vit.
Si çdo vit festivali i jep mundesinë artistave të rinj të marrin pjesë me këngët e tyre. Si çdo vit festivali ka pasur kategorinë “Big” dhe “Neë Artist” me këngëtarë shqiptarë, por tashmë këtij eventi muzikor janë shtuar edhe “Big International Artist” në kategorinë e fundit, për herë të parë festivalit iu bashkua një reper amerikan, Jordan Colemnan aka Jayoo, i cili vjen nga New York ka si qëllim të bëhët i njohur në tregun ndërkombëtar.
Por përveç tij, në kategorinë e artistëve të konfirmuar ndërkombëtare për herë të parë do të jetë dhe një fitues i festivalit të Sanremo-s. Bëhet fjalë për Marco Carta-n, artistin e njohur italian, produkt të Amici-t, që në 2009 ka triumfuar edhe në festivalin më të madh të këngës në vendin fqinj, me këngën “La forza mia’.
Lajmin e ka bërë të ditur vetë artisti, i cili me anë të një postimo në Instagram u shpreh se ishte shumë i emocionuar që do të ishte pjesë e “Kënga Magjike”. Projekti që këngëtari ka sjellë quhet (Forse) non mi basti piu, pra (Ndoshta) nuk më mjafton më.
