Prej pasdites së sotme (25 shtator) ka nisur dasma shumë e komentuar e Armina Mevlanit dhe Shkëlzen Berishës. Ceremonia e veçantë ka bërë bashkë familjarët dhe miqtë e çiftit mes të cilëve edhe shumë personazhe publike.
Ermal Mamaqi dhe Amarda Toska, Valdrin Sahiti, Olta Gixhari, Agnesa Vuthaj, Dalina Buzi janë disa nga VIP-at që kanë qenë të ftuar në dasmë.
Armina dhe Shkëlzeni kanë bërë valsin e parë me këngën ikonike të Christina Aguilera “Hoy tengo ganas de ti”.
Po ashtu edhe ish-kryeministri Berisha ka mbajtur fjalën e tij. “Arben dhe Mimoza, të dashur Armina dhe Shkëlzen! Në dasma nuk duhen fjalime, ndaj dua të them vetëm dy fjalë. Nga zemra uroj Arminën dhe Shkëlzenin që kurorëzojnë dashurinë e tyre disa vjeçare sonte në këtë ceremoni, me miqtë dhe të afërmit e tyre. “-tha ai mes të tjerash.
