Pasi u shpall fitues i “Big Brother Vip” të gjithë menduan se Ilir Shaqiri do të ishte kryetar jurie në spektaklin e kërcimit, “Dancing With The Stars”.
Mirëpo nuk ndodhi kështu dhe balerini prej një jave tashmë është pjesë e“Dance With Me”.
Teksa janë aluduar arsye të shumta të këtij vendimi, Iliri vendosi të reagojë dhe tregoi se nuk kishte marrë një ftesë konkrete për të qenë pjesë e “DWTS”.
Së fundmi, balerini ishte i ftuar në “ABC e pasdites” ku foli edhe njëherë në lidhje me situatën e krijuar:
“U fol për shumë gjëra, aludime nga më të ndryshmet… sikur nuk doja, sikur nuk më donin. Fakti është ajo që shkruajta. Unë preferoj që t’i them gjërat vetë, mos t’i interpretojnë të tjerët, kam mundësi ta bëj këtë gjë dhe e kam bërë gjithmonë shumë shqeto siç the dhe ti… po abuzohej me lajmin sepse nuk është drejtë që të ketë trasnformime mendimi sepse unë nuk kisha dhënë asnjë lloj mendimi. Kështu që unë ndjeva ta sqaroja këtë gjë, është thjesht një moment kur njerëzit nuk flasin, nuk ka komunikimin dhe mos komunikimi të çon në atë që është mos përfundimi i gjërave”- tha ai.
U përfol se Iliri i kishte zënë vendin si kryetar jurie Klaudia Pepës e cila është gjithashtu pjesë e “Dance With Me” edhe për këto aludime, balerini ka sqaruar njëherë e mirë si qëndron e vërteta:
“Unë e kam në kontratë që jam kryetar jurie ndryshe nuk do ta pranoja. E kam bërë 7 vjet atë rol, nuk mund të zbresësh në gradë, siç e drejta e çdo kujt. Ishte një gabim grafik e teknik”- u shpreh Shaqiri.
Përsa i përket raportit me Sabianin, me të cilin pati një miqësi shumë të ngushtë të krijuar brenda shtëpisë së “BBVIP”, Iliri zbuloi se dyshja nuk ruan më asnjë lloj raporti.
“Me Sabin nuk kemi raport, secili ka jetën e vetë, ndoshta kjo edhe përsa i përket edhe gjërave që u thanë dhe gjërave që u bënë. Nuk kemi kemi komunikim… ka çudi dhe ka një lloj keqardhje sepse u transmetua një mesazh miqësie shumë i lartë dhe me shumë vlera, por ama kur fillon dhe abuzohet në miqësi kjo pastaj nuk është më miqësi”.- theksoi ai.
