Gazetari Artan Hoxha ka treguar eksperiencën e tij gjatë udhëtimit që ka realizuar në Ekuador. Gjatë udhëtimit ai është ndalur edhe në lokalin ku është ekzekutuar shqiptari Ergys Dashi 8 muaj më parë në Guayaquil.
Hoxha deklaroi se Dashi u ekzekutua pasi ai shihej si kërcënim.
“Ergys Dashi ishte përfshirë për shkak të trafikut me BE, me një nga bandat kriminale në Guajakil, madje ishte bërë kumbari i fëmijës së tij. Në momentin që bosi ishte ekzekutuar, shqiptarët e tjerë i kishin thënë që të largohej për shkak se ishte në rrezik, ai jo vetëm nuk u largua por tregoi një lloj besnikërie ndaj bosit lokal, u pa dhe ai si kërcënim dhe u kërcënua”, tha Hoxha.
Ndër të tjera, Hoxha ka treguar se pagesat për një vrasje në Guayaquil varionin nga 100 deri në 500 dollarë.
