Këngëtarja Semi Jaupaj pas daljes nga “Big Brother Vip” ka dalë vetëm në një intervistë televizive. Nga ana tjetër, ajo ka realizuar shpesh intervista virtuale me ndjekësit e saj në “Instagram”. Ashtu siç ka bërë së fundmi.
Nuk ka munguar pyetja rreth çiftit Bora-Donald. E pyetur se “Si janë Bora dhe Donaldi?”, Semi përgjigjet “Nga fotoja dukeshin shumë mirë”, referuar postimit të çiftit një ditë më parë.
Po ashtu, kur i është kërkuar një foto me Donaldin ajo ka ndarë një nga “Big Brother VIP”, për të cilën aktori shkroi me humor: “Dhe ta mendosh se ke qenë e shëndoshë!”
Fansat i kanë kërkuar një bashkëpunim me Yll Limanin, gjë për të cilën Semi tha se duhet t’ia kërkojnë artistit. Gjithsesi nuk i kurseu falenderimet për të duke thënë se është mirënjohëse sepse e ka mbështetur që në fillimet e saj.
Si i ka marrëdhëniet me ish-banorët?
“Marrëdhëniet me ish-banorët i kam shumë të mira. Me ata që kam ndenjur brenda. Vazhdoj ta ruaj shoqërinë edhe jashtë. Sigurisht tani i jemi kthyer jetës normale, nuk rrimë dot 24 orë me njëri-tjetrin. Se cili ka punët dhe hallet e veta, por shkruhemi, pyetemi “Si je”, urohemi për ditëlindje…” tha Semi.
