Që Dalina Buzi në rradhët e jurisë dhe Megi Pojani si konkurente do të jenë pjesë e “Dancing With The Stars” kjo nuk është diçka e re.
Mirëpo çfarë pritet me kërshëri është si do të jetë raporti i tyre në këtë program. Dikur një dyshe shumë e fortë profesionale, marrëdhënia midis Buzit dhe Pojanit u “kris” disa kohë më parë dhe shkak për këtë ishte “puna”.
Vajzat për një kohë të gjatë nuk kanë folur me njëra-tjetrën, ndërsa pas “përballjes” së tyre të parë në “Goca dhe Gra” akoma kanë një marrëdhënie të ftohtë.
Show i kërcimit do t’i vendosë sërish përballë, dy ish-bashkëpunëtoret mirëpo jo në pozita të njëjat. Dalina “do ta ketë” në dorë Megin me gjykimet e saj dhe pikërisht kjo situatë pritet me kërshëri nga ndjekësit.
Së fundmi e pyetur në “Goca dhe Gra” nëse pozicioni i saj do të ndikojë për mirë ose keq tek komentimi i performancës së aktores, producentja tregoi se ajo më mirë se kushdo e di që kjo nuk ka të bëjë fare.
“Pikërisht se është Megi, dhe absolutisht që që në momentin që është Megi mund të mendojnë konkurentët e tjerë, se Megi ka punuar me mua kemi ndenjur çdo ditë që aty mund të mendohet dhe mund të presin që unë ta favorizoj. Por unë e thashë, Megi e para e di që unë nuk ma ndjen fare në këtë pikë. Kush të jetë shumë i mirë atje, do të jetë shumë i mirë,”-u shpreh Dalina.
Ndërsa ju kujtojmë që më herët Dalina ka treguar se e gjithë mosmarrëveshja me Megin ka ndodhur nën kontekstin e punës, dhe asgjë personale mes tyre.
“Ishin 5 vajza në serial, ngelën dy deri pa u bërë. Ajo u ndalua aty, ndërpremë marrëdhëniet me të pesta vajzat, ishte shokuese për ndjekësit. Nuk folëm. Që atëherë nuk komunikuam më. Ishte një gjë private biznesi kompanie, ishte një gjë teknike dhe nuk i takojnë fare t’i dijnë njerëzit. Kjo ishte domethënë”,- sqaroi Buzi
Ndërsa Megi Pojani gjithashtu pranoi se largimi i saj nga Anabel ishte i nxituar.
Ajo gjëja po ezaurohej për mua, ne po e bënim për të tretin vit dhe kjo ishte arsyeja, mendoja se jam nxituar për mënyrën e largimit, ndoshta nga mosha”,-përfundoi Megi.
