TIRANË- Kryeministri Edi Rama do të mbledhë ditën e nesërme kryebashkiakët në një takim ku fokusi kryesor do të jetë menaxhimi i integruar i mbetjeve.
Ky takim i Ramës me kryebashkiakët vjen në prag të sfidës elektorale për zgjedhjet vendore, në një kohë kur PS ka nisur edhe ristrukturimin e bazës së partisë.
Në takim do të jetë e pranishme edhe zv.kryeministrja Belinda Balluku, ministrja e Mjedisit, Mirela Kumbaro, si edhe ambasadori gjerman në Tiranë, Peter Zingraf. Gazetari i Report Tv, Ermal Qori ka siguruar axhendën e takimit, i cili pritet të nisë në orën 10:00 dhe të zgjasë deri pasdite në 16:00, ku do të ketë disa panele dhe diskutime.
