Pamjet e skenës së krimit të mbetur në aksin e Papër-Cërrik më 30 mars 2022, i përkasin atentatit që Talo Cela i shumëkërkuari i drejtësisë kishte organizuar ndaj ortakut të tij në krim, Nuredin Dumanit, sot rivali dhe armiku i tij.
Këta ka deklaruar Dumani para hetuesve të SPAK teksa ka rrëfyer se nga katër persona që i kanë bërë pritë atij ai ka mundur të identifikojë Talo Celën.
“Pashë që ndaluan krismat. Kur ktheva kokën, pashë një makinë ngjyrë vishnje “E Class”, dhe pas shoferit ishin 2 persona me kallashnikov në dorë, të cilët nuk kishin zbritur por kishin dritaret hapur. Nuk i identifikova dot ata që kishin kallashnikovin, se kishin maskë. Por identifikova shumë mirë shoferin, ishte fiks ai që po kërkoja unë, Talo Çela. Duke e njohur strukturën e tij dhe mënyrën se si rrinte, jam i bindur që ishte ai”, ka thënë Dumani para hetuesve.
