Antimafia italiane ka prezantuar në Dhomën e Senatit raportin e gjashtëmujorit të dytë të vitit 2021, në të cilën vihet theksi te dominimi i territorit nga krimi shqiptar dhe bashkëpunimi i ngushtë që ata kanë më bandat italiane. Në raport thuhet se prania e krimit shqiptar është evidentuar në një pjesë të madhe të Itali dhe se po funksionon në nivele të ndryshme, ose e thënë ndryshe nga banda që janë të vogla për krime kryesisht kundër pronës e që në përbërje të saj qytetarë multietnik, e ndërsa ka edhe organizata kriminale të strukturuara dhe të qëndrueshme ku thuhet se funksionon si një “mafia tipike” .
Ndalur këtu, në raport është evidentuar edhe një fakt që shpjegon kësisoj “bashkëekzistencën” mes bandave shqiptare dhe atyre italiane. Kjo sepse, është konstatuar se bandat shqiptare kanë gatishmëri për të ofruar lëndë narkotike me çmime konkurruese.
Marrëdhëniet mes dy grupeve kriminale lehtësohen dhe forcohen nga mungesa e konfliktit për dominim mbi territorin e të cilat normalisht kërkojnë që shqiptarët të kujdesen për furnizimin e drogës dhe italianët për shitjen e malli. Një element tjetër që rezulton nga provat hetimore tregojnë se si, pavarësisht nga niveli i strukturimit Organizatat e brendshme shqiptare konfirmohen në trafikun e drogës si ndërmjetësit kryesorë ndërkombëtarë për besueshmërinë dhe suksesin e tyre të padiskutueshëm në këtë sektor. Kështu ato janë në gjendje të lëvizin sasi të mëdha kokaine dhe heroine përmes bashkëpunimit të bashkatdhetarëve të pranishëm kryesisht në vendin amë, si dhe në Amerika Latine dhe vende të tjera evropiane.
Në menaxhimin dhe dërgesën janë të përfshira edhe bandat kriminale shqiptare nga deti i ngarkesave të mëdha të marijuanës, vend prodhues i të cilave është Shqipëria.
Raporti vë theksin se lidhjet zakonisht bazohen në raporte familjare ose origjinës, për shkak se u bëhet më e lehtë duke qenë se përdorin të njëjtat kode të komunikimit si edhe një sjellje të njëjtë.
Krimi shqiptar është kryesisht aktiv në trafikun e drogës dhe armëve, në trafikun e qenieve njerëzore dhe shfrytëzimin e prostitucionit dhe në disa raste vepron në marrëveshje funksionale me fraksione të tjera kriminale. Thuhet se këto grupe përdorin lidhjet me bandat kriminale të tjera të përbëra kryesisht nga bashkatdhetarë që veprojnë kryesisht në Holandë, Belgjikë, Gjermani, Austri, Spanjë, Mbretërinë e Bashkuar, Francë, si dhe në Amerikën Qendrore dhe Jugore dhe në atdheun.
