TIRANË– Kryetari i ri i Forumit Rinor të Partisë Demokratike është Besart Xhaferi. Ai arriti që të merrte 5256 vota në zgjedhjet që u mbajtën ditën e sotme, duke lënë pas 5 kandidatët e tjerë.
Atij i është besuar drejtimi i forumit rinor, në zgjedhjet e mbajtura nga PD-ja e Berishës. Pas Xhaferit, më i votuari është Arnold Kariqi me 1683 vota, teksa të tjerët kanë një diferencë të madhe votash me Alesia Balliun, e renditur e fundit.
Ai zëvendëson në këtë post Belind Këlliçin, ndërsa zgjedhje në këtë strukturë janë mbajtur për herë të fundit në dhjetor 2015 teksa mandati i kryetarit dhe forumeve drejtuese kishte përfunduar dy vite më parë. Ky proces zhvillohet nga ‘Rithemelimi’ ndërsa një garë tentoi ta hapte dhe Lulzim Basha, por mbeti pezull për shkak të situatës brenda demokratëve.
