Teksti romantik i këngës “Perfect” nga Ed Sheeran, me sa duket, ka prekur edhe zemrën e anëtares së jurisë së spektaklit “Dance Albania”, Klaudia Pepa, e cila ka dashur ta zbulojë këtë sekret të vogël të sajin.
Kjo është kënga ime e dashurisë”,- tha balerina shqiptare, por Ermali nuk e la me kaq. Si gjithmonë kureshtar, Ermali nisi ta ngacmonte Klaudian për të zbuluar personazhin misterioz që ka rrëmbyer zemrën e saj: “Kush është ky? A është në këtë sallë? A është në Shqipëri?”,- ishin pyetjet e tij.
Megjithatë, edhe këtë herë Klaudia Pepa është treguar hermetike duke u mjaftuar me zbulimin vetëm të kolonës zanore të dashurisë së saj. Më tej, gjithçka është sekret.
