Shkurtimi i viteve të formimit fillestar për tu bërë magjistrat por edhe masa të tjera që kërkojnë ndryshime të rëndësishme ligjore dhe kushtetuese janë propozuar nga Këshilli i Lartë i Prokurorisë për të krijuar sa më shumë mundësi të jetë e mundur për të zhbërë problemin shumë madhor të vakancave në sistemin tonë të drejtësisë.
Në lidhje me këto propozime ka folur për Report Tv ministri i Drejtësisë, Ulsi Manja. Manja ka thënë se Qeveria është e hapur për çdo propozim dhe se aktualisht kjo platformë po shqyrtohet në Komisionin e Ligjeve
“Ndryshimet ligjore tashmë janë në proces në Komisionin e Ligjeve, është ngritur grupi i punës dhe shumë shpejt do të kemi dhe një adresim. Në mbështesim ccdo ndryshim ligjor që i jep frymëmarrje”, tha Manja në prononcimin për Report Tv.
Manja i bëri këto komente pasi mbajti një fjalë përshëndetëse ceremoninë e 25-vjetorit të shkollës së Magjistraturës, që u zhvillua sot ku ishin të pranishëm edhe presidenti Bajram Begaj, ambasadorja e BE-së si dhe ambasadorja e SHBA.
KLP kërkoi që magjistratët të bëjnë 2 vite shkollë e të futen në punë me vitin e 3, praktikë e paguar. Këtë iniciativë për reduktimin në periudhë trazitore të magjistraturës nga 3 në dy vite e ka deklaruar në intervistën e tij te parë kreu i Këshillit të Lartë të Prokurorisë Alfred Balla për Report Tv. Një tjetër ndryshim i kërkuar është edhe e drejta e anëtarëve jo magjistratë të KLP për tu bëre pjesë e sistemit të drejtësisë. Aktualisht ky draft ndodhet në Parlament dhe ende s’ka marrë përgjigje.
