Prej disa ditësh është bërë pubik sistemi policor “MEMEX”, i hakëruar disa kohë më parë nga hakerat iranian. Në këtë sistem ndodhen të dhënat e personave të skeduar nga policia shqiptare.
Ndër këto emra është gjetur edhe ai i këngëtarit të muzikës popullore Spartak Xhaferraj, i njohur për këngën “Qejf o qejf o qerrata”, si edhe të dhënat e tij, si datëlindja, vendi i lindjes, atësia dhe gjendja civile.
Këngëtari së fundmi i ftuar në “ABC-ja e Mëngjesit”, u shpreh se lajmin e mori nga telefonatat e miqve.
Më tej Spartaku shpjegoi se shoqërimet e tij në polici kanë qenë për ndërtim pa leje si çdo shqiptar dhe për një aksident që fatmirësisht nuk ka rezultuar fatal.
“Lajmin ma treguan miqtë, shokët, ma dërgonin. Se kuptoja se ca po ndodhte, vetëm kur pash lajmet që nuk isha vetëm unë. Ishte Spiropali, Gjuzi dhe të tjerë.
Si të gjithë shqiptarët, nuk është turp që të shoqërosh për një ndërtim pa leje, apo për një aksident. Unë po vras mendjen si të marr ndonjë lekë me këtë rast se jam çik keq nga ekonomia. Mendoj se nga ana ligjore më detyrohen, do t’i hedh në gjyq, se ta japin lajmin, po jo ta deformojnë.
Unë rrjedh nga një familje e thjeshtë, që ka punuar në koperativë, në një fshat të Përmetit. Edhe unë kam emigruar në Greqi, kam një jetë të thjeshtë. Kam krijuar familje, kam dy fëmijë dhe vitet e fundit kam pasur probleme shëndetësore, konkretisht me zemrën. Fëmijët nga një anë habiteshin, nga ana tjetër thoshin: ‘Babi mos u mërzit’”, u shpreh Xhaferraj.
