Maite Perroni, aktorja dhe këngëtarja 39-vjeçare meksikane, ka bërë të ditur përmes rrjeteve sociale se është martuar me producentin Andrés Tovar me të cilin është në lidhje prej më shumë se një viti.
Ngjarja ka ndodhur në një hotel luksoz në Valle de Bravo dhe është vendosur një hapësirë rustike të rrethuar me shatërvanë dhe qirinj dhe në disa imazhe mund të shihet ceremonia fetare ku të dy personazhet e famshëm janë ulur përballë një pikture të Virgjëreshës Mari
Maite kishte dhënë indikacione se mund të ishin të pranishëm kolegët e saj nga grupi muzikor RBD, me të cilët ajo ndau një fazë të rëndësishme të jetës së saj në vitet 2000. Dhe kështu ndodhi. Anahi, Angelique Boyer, Christian Chaves dhe Christian Uckerman ishin të pranishëm në dasmë dhe madje pozuan me njëri-tjetrin për t’u dhënë gjithë fansave RBD një kënaqësi të madhe për t’i parë bashkë pas shumë kohësh.Grupi gëzuan, kërcyen dhe kënduan disa nga këngët e famshme të grupit, bashkë me nusen.Po ashtu u vu re mungesa e dy pjesëtarëve të rëndëishëm të grupit, Alfonso Herrera dhe Dulce Maria. Megjithëse, kjo e fundit ia bëri urimet Maite-s në rrjetet sociale, duke mos lënë vend për dyshime për ndonjë konflikt të mundshëm mes tyre.
