“Fjongo Rozë” e YWCA “arrin” edhe në Berat.Ecja simbolike e kthyer në traditë prej 14 vitesh bëri bashkë politikanët, gazetarët,vullnetaret dhe gjithë qytetarët për t’i kujtuar kujdo se hapi i parë për të luftuar kancerin e gjirit është parandalimi përmes kontrolleve të vazhdueshme.
Në marshimin sensibilizues dedikuar “Tetorit Rozë” mori pjesë ambasadorja e Izraelit Znj. Peleg së bashku me gjithë stafin e Ambasadës në Urën e Goricës,Berat.Ambasadorja marshoi përkrah Znj.Armanda Begaj,Ministres së Shëndetësisë Ogerta Manastirliu,disa Deputetëve të pranishëm,Kryetarit të Bashkisë së Beratit Ervin Demo dhe disa përfaqësuesve të UNFPA dhe UNICEF. Mesazhet e shpresës u bënë edhe më të fuqishme nga triumfi i historive personale të vetë qytetarëve.
Znj.Dona Godaj së bashku me ekipin e “Vajzave Vullnetare” kishin organizuar edhe një ceremoni ndarjesh çmimesh ku moderimi i ishte besuar Ori Nebijaj,aktiviste prej shumë kohësh në YWCA.Ambasadorja e Izraelit u bë pjesë e ndarjes së çmimit “Vullnetarë të Fjongos Rozë”duke i’a dhuruar një të tillë gazetares Iva Tico.
Shkruan/Elsa Bërzeshta
