Sarah Berisha dhe Pajtim Krasniqi i njohur si Dj Pm janë një ndër çiftet e formuar brenda shtëpisë së “Big Brother Vip”. Romanca e tyre i rezistoi presionit të famës dhe dyshja vazhdojnë të jenë bashkë.
Por, siç në çdo marrëdhënie edhe në të tyren jo çdo gjë shkon vaj. Sarah, së fundmi ka treguar hapur çfarë e bezdis tek partneri i saj. Madje nuk ka nguruar që duke u nisur nga lidhja e saj t’i japë një mesazh edhe të gjithë vajzave single.
Teksa kanë qenë në një tavolinë duke parë një ndeshje futbolli, blogerja ka filmuar PM-in të mërzitur ku shprehet: “Ky i imi është super i mërzitur se Milan po del 1 me 1 ose nuk e di. Një mesazh për ju vajzat që jeni single, mos gjeni të dashur që dashuron futbollin, sepse gjithmonë do të jeni në vend të dytë.”
Pyetjes se nëse është xheloze për PM, më herët blogerja iu përgjigj se vajzat i afrohen edhe kur janë të dy, por ajo ka besim tek ai.
“Kur u njohëm ishim në këtë profesion. Do ishte e tepërt të bëhem xheloze se luan muzikë. Edhe kur jemi bashkë gocat afrohen për foto. Nëse ndonjëra afrohet dhe e puth normale që është e tepërt. Kam shumë besim te ai. Ma ka dhënë sigurinë kështu që jam shumë e qetë. Ka disa gjëra në çift që nuk i pëlqen dhe në BBV nuk i kemi folur. Por janë disa gjëra për të cilat duhet të bëjmë kompromis.”
“Nuk e kemi menduar të ardhmen. Po shijojmë këtë fazën kështu dhe unë nuk mund të lëviz jashtë Shqipërisë. Edhe PM ka familjen dhe punën në Kosovë është shumë shpejt. Më vonë nuk i dihet”, tha ajo për planet e së ardhmes me PM.
