2.95 milionë. Ky është numri i biletave të shitura për Botërorin e Katarit. Ky numër është rekord dhe fitimet pritet të shkojnë rreth 7.2 miliardë euro.
E krahasuar me Botërorin e Rusisë 2018 ku u shitën 2.4 milionë bileta, numrat flasin në favor të Katarit, që ia ka dalë të tërheqë shumë mbështetës drejt tribunave.
Sipas statistikave, numri më i madh i biletave është blerë nga vende si Katari, Arabia Saudite, Shtetet e Bashkuara, Meksika, Britania e Madhe, Emiratet e Bashkuara Arabe, Argjentina, Franca, India dhe Brazili. Kujtojmë që kompeticioni më i madh ndërkombëtar filloi sot dhe do të zgjasë një muaj.
