Kryetari i partisë së Lirisë Ilir Meta ka ndarë në rrjete sociale pamjet e një qytetari, i cili deklaron se është dhunuar nga policia e shtetit pasi i kërkoi kryeministrit të mos bënte propagandë në zonat e përmbytura në Sukth.
Krahas videos, Meta shkruan se dënon me ashpërsi sjelljen banditeske të Policisë së Shtetit dhe i kërkon prokurorisë nisjen e hetimeve për rastin.
Ai shton se modeli shtypës qeverisë Rama do të marrë shumë shpejt përgjigje nga qytetarët e lirë.
“Dënoj me ashpërsi sjelljen banditeske të punonjësve të Policisë së Shtetit ndaj qytetarit Mithat Hazbiu nga Sukthi i ri, i cili është ndaluar sot në shkelje të ligjit vetëm pse i kërkoi Kryeministrit të mos bënte propagandë me zonat e përmbytura.
Duke i uruar Z.Hazbiu shërim të shpejtë, për shkak se ndodhet i shtruar në urgjencë, i bëj thirrje Prokurorisë të nisë menjëherë hetimet.
Modeli shtypës qeverisës i Edi Ramës do të marrë shumë shpejt përgjigje nga qytetarët e lirë. Koha për Llogaridhënie po afron!”, shkruan Meta.
