Nëpërmjet një postimi në Facebook, kandidati i PL-së Lefter Maliqi ka njoftuar tërheqjen nga gara të kundërshtares së tij Brikena Koroveshit, Pavarsisht situates, Maliqi i ka bërë thirrje qytetarëve të votojnë më 4 dhjetor për të shprehur vullnetin e tyre.
“Demokracia ka nevojë për akte demokratike. Sa kohë janë të tilla, japin veç vlerë. Sapo mësova se kolegia ime, garuesja tjetër në procesin e primareve të PD-së në Bashkinë Kuçovë, ka dhënë dorëheqjen duke zgjedhur tërheqjen nga gara.
S’më mbetet gjë tjetër, veçse ta uroj mësuesen e nderuar, sekretaren e degës Kuçovë, zonjën Brikena Koroveshi, për aktin qytetar e dinjitioz përballë demokratëve dhe opozitarëve.
Unë ftoj të gjithë demokratët,opozitarët dhe simpatizantet të marrin pjesë në procesin e votimit me 4 Dhjetor tek dega PD Kucovë, për të shprehur dëshirën dhe zgjedhjen e tyre me votë, edhe kur në garë mbetet vetëm një kandidat.
I bindur për t’i kthyer qeverisjen vendore sot, dhe atë qendrore nesër, qytetarëve… Me respekt Lefter Maliqi”, shkuajti kandidati Maliqi.
