Nina Jakupi, vetëm 8 vjeçe, pjesëmarrëse e një garë ndërkombëtare të Matematikës në Dubai, është shpallur si vajza më inteligjente, në mesin e 44 shteteve, pasi ka zgjidhur brenda 2 minutave e 23 sekondave 45 ushtrime matematikore.
Në studion e Report Tv, 8-vjeçarja nga Prishtina tha se i pëlqen shumë matematika dhe se ka fituar tre çmime për garat në matematikë. Nina tha se ka shumë dëshirë që te këtë sukses dhe se do të marrë pjesë në çdo konkurs.
Për të marrë pjesë në konkurs, Nina Jakupi tha se është ushtruar me prindërit dhe me zyshën e saj të matematikës, ndërsa shtoi se ndihet shumë krenare për çmimin që ka fituar. 8-vjeçarja zgjidhi saktë edhe disa ushtrime matematikore në studion e Report Tv.
