Ka përfunduar në një sherr fizik debati i hapur prej muajsh mes dy ish-shoqeve që u bënë pjesë e “Për’puthen” këtë sezon.
Dy vajzat, Lea dhe Irisi, prishën miqësinë e tyre pasi të dyja shprehën pëlqimin për të njëjtin djalë, Petron. Prej javësh ato kanë debatuar me tone të ashpëra dhe të larta. Por situata arriti kulmin ditën e sotme.
Ka qenë Lea ajo që ka goditur me shuplakë Irisin. Debati nisi mes Irisit dhe Orsiolës, një tjetër vajzë që ka dalë së fundmi në takim me Donaton, një prej pëlqimeve të Irisit. Por mes tyre u përfshi dhe Lea, e cila e goditi ish-shoqen e saj të ngushtë me shuplakë dhe e tërhoqi nga krahu.
Tensionet në studio nuk u qetësuan, më pas ndërhyri Petro, i cili ka shoqëruar Irisin jashtë studios.
