Më shumë vend ku mund të parkohen makinat dhe të mos paguhet. Ishte ky premtimi i radhës i Belind Këllicit, në takimet me kryeqytetasit, në zonën e Xhamllikut dhe zona të tjera.
“Zgjidhja për parkimin është fokusuar padiskutim te ai premtim që unë kam dhënë, që do t`i dedikoj të paktën 30% vende që janë me pagesë, do t`i bëjë pa pagesë për komunitetin”
Një rrugë tjetër që i jep zgjidhje parkimit në Tiranë, Kellici përmendi ndërkimin e godinave posacërisht për këtë funksion.
“Do të shohim dhe mundësinë e parkimeve nëntokësore, në vende të caktuara, apo dhe të ndërtimeve me objekt vetëm parkimin e makinave. Pra të mos ndërtohen vetëm pallate, të mos ndërtohen vetëm objekte të mëdha, por të ndërtohen edhe godina të mëdha që të shërbejnë për parkimin e automjeteve siç i ka e gjithë bota”
Në takime të tjera tek zona e 5 majit, e prekur nga shembja e banesave për shkak të projekteve uinfrastrukturore, Këlliçi u premtoi dëmshpërblimet.
“U kemi dhënë premtimin në fakt, që unë kam kënaqësinë që ta përsërisë këtu para jush sot: do dëmshpërbleheni cent për cent me vlerën e tregut për shtëpinë tuaj. Kjo është e rëndësishme se është pasuria e një jete që ju keni. Unë kam përshtypjen se asnjë nga ju këtu nuk ka një shtëpi të dytë nëse ju është prish shtëpia. Ajo është gjithçka që keni pasur në jetën tuaj. Edhe ata që janë të shqetësuar me të drejtë, që janë pjesë e këtij blloku që kemi kaluar këtu. Që po na tregonin që jemi në merak të madh, sepse flitet që do të shembet edhe një pjesë shumë e madhe e zonës, i jap garanci se pas 14 majit prona juaj nuk do të preket”
Gjithashtu Këllici u përmendi prmimin për urbanin falas në qytetat dhe në fshatrat e Tiranës.
