Ish-kryeministri Sali Berisha nga Hasi ku prezantoi kandidatin për bashki, Miftar Dauti ka bërë thirrje për një bashkim të opozitarëve më datën 12 maj në Tiranë.
Berisha tha që qytetarët të mblidhen më 12 maj për të festuar fitoren në orën 7:00 por nuk dha detaje nëse ky do jetë një tubim apo manifestim.
“Rama kërkon të shpërbëjë familjen shqiptare, ta emërojë nënën me nr 2 dhe babën me nr 1. Më 14 maj të votojmë ndryshimin, shpëtimin e Hasit dhe Shqipërisë. Miqtë e mi ju e shihni fushatën e tij, kalon nga takimi në takim me një gjuhë alabaku, përdor gjuhë të turpshme pasi qytetarët i ka vjedhur dhe varfëruar. Qytetarët i ka përzënë dhe kërkon të fshehë vjedhjet. Por ne do e ndëshkojmë atë më 14 maj për këto krime, këto ditë janë ditët e finishit. Fitorja po ju pret ju, popullin opozitar, le të rendim me shpejtësi më të madhe. Më datë 12 maj, ora 7:00 ftoj banorët e gjithë Shqipërisë të mblidhemi dhe të festojmë fitoren e 14 maj. Votoni nr 1”, tha ai.
