Kandidati i Partisë Socialiste për Bashkinë e Tiranës, Erion Veliaj në një lidhje live me edicionion “Newsline” me gazetaren Viol Xhafaj në ABC News, foli në lidhje me akuzat e tij për Sali Berishën për shpifje.
Veliaj tha se ai nuk ka asnjë lidhje me Iranin, ashtu siç e akuzon ish-kryeministri dhe se të drejtën e tij do ta kërkojë në gjykatë.
Ai tha se fakti që Berisha është i moshuar nuk i jep atij mundësinë të mos marri atë që meriton, duke shtuar se ai është një frikacat që ka frikë të përballet me faktet.
“Nuk kam asnjë lidhjen e Iranin dhe hyj te ato politikanë që çfarë besoj dhe çfarë ndjej e them poblikisht.
Si në shumë raste të tjera kam preferuar të kërkoj të drejtën time në gjykatë. Kemi fituar 12 nga 12 gjyqe.
Unë besoj që ilaçi për këtë kulturë të shpifjes është të shkohet në gjykatë dhe të kërkohet e drejta.
Këtu është një çorap që gatuhet nga një njeri që për 30 vite ka përçarë shqiptarët.
Berisha vërtet është 80 vjeç dhe njerëzit me thonë “hapi rrugë budallait”, por kjo nuk funksionon kështu. Nuk thotë njeri në SHBA hapi rrugë të marrit, jo atij i tregohet vendi.
Isha sot në gjykatë, Berisha që kërkonte debat nuk erdhi. Për të sqaruar të gjithë ata që e ndjekin, Berisha është një frikacat, një njeri që të vret pas perdeve të kryeministrisë, një njeri që me familjen e vet hodhi një fshat të tërë në erë, veshi mira nëna me të zeza në vitet 97-98, për të gjithë këto arsye është evidente se çfarë përfaqëson.
Vendi ku përcaktohet se kush thotë të vërtetën dhe kush gënjen është gjykata” tha Veliaj.
Në lidhje më dëmshpërblimin që kërkon, Veliaj tha se shuma monetare mund të jetë dhe simbolike, por ajo që ai kërkon është që gjykata ta certifikoi Berishën si shpifës.
“Nuk ka rëndësi vlera monetare e dëmshpërblimit, ajo mund të jetë edhe simbolika. Ajo që kërkoj është që gjykata të certifikoi Berishën si shpifës. Një njeri që nuk shkon kurrë para gjykatës dhe s’ka pasur kurrë kuroja të përballë faktet, por vetëm shpif.
Unë besoj se me dënimin e Sali Berishës, do të marrë fund një epokë ku ai në fund të jetës së vet politike do të damkoset edhe si një shpifës.
Unë mendoj se nuk ka turp më të madh për një politikan që pasi ka humbur 9 zgjedhje, e mbyll atë edhe si një shpifës” u shpreh ai.
