Bordi i Transparencës ka publikuar sot çmimet e reja në lidhje me karburantet.
Sipas vendimit që hyn në fuqi ditën e sotme në orën 18:00, çmimi i naftës me pakicë është rritur me katër lekë për litër, pasi nga 169 që ishte në vendimin e fundit, tashmë do shitet me 173 lekë/litri.
Sa i përket çmimit të benzinës, është rritur me 1 lek, nga 172 lekë/litri, do shitet me 173 lekë/litri.
Edhe çmimi i gazit është rritur me 1 lek për litër, nga 62 lekë/litri , do të shitet tashmë me 63 lekë/litri me pakicë.
Njoftimi i Bordit:
Vendim i Bordit të Transparencës – 10.05.2023
Vendimet e Bordit të Transparencës në datë 10 Maj 2023 kanë ndryshime të çmimit nga ai i përcaktuar në mbledhjen e fundit.
Si rrjedhojë çmimet e vendosura janë :
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 173 lekë/litri, ndërsa i shitjes me shumicë jo më shumë se 161 lekë/litër.
Çmimi i shitjes me pakicë i nënproduktit gaz, të jetë 63 lekë/litri me pakicë dhe i shitjes me shumicë 51 lekë/litër për automjetet.
Çmimi i gazoilit për peshkim është vendosur 79 lekë/litër.
Çmimet e caktuara nga Bordi do të hynë në fuqi në datë 10 Maj ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.
Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.
