Kandidati i koalicionit “Bashkë Fitojmë” për bashkinë Kuçovë, Lefter Maliqi në një takim me shtabin elektoral falenderoi strukturat dhe të gjithë votuesit që besuan në kandidaturën e tij.
Ai theksoi se rezultati i zgjedhjeve të 14 majit në bashkinë Kuçovë ishte një rezultat jo i drejtë dhe i manipuluar por shprehet optimist që manipulimi i votave do të zbardhet.
“Takim falenderues, mirënjohës me “Shtabin Elektoral” në Bashkinë Kuçovë. Së bashku ja dolëm të vetëm të kthenim besimin shpresën, të fitonim zemrat e banorëve të Kuçovës dhe të merrnim masivisht votat e tyre pa dallim politik. Fitorja është e jona dhe e qytetarëve! Kjo as nuk vihet në dyshim dhe as diskutohet në sytë e banorëve dhe qytetarëve kudo! Mandati u grabit, u manipulua nga narkoshteti dhe ‘Oligarku’ Salillari, me urdhër politik para dhe gjatë procesit të numërimit. Faktet, provat flasin vet, të cilat u derguan në SPAK dhe u bë ankimimi për hapjen e kutive. E drejta do të fitoj! Mirënjohje gjithë secilit! Zyra e “Shtabit Elektoral” do të jetë e hapur. Unë do të jem këtu për të gjithë! Do të jem pranë jush në çdo sfidë për të mirën e qytetarëve për zhvillimin, mirëqënien e qytetit të Kuçovës. Krimi do të ndëshkohet! E drejta do të triumfojë! Ju faleminderit!”,-theksoi Maliqi.
