Ish-kryeministri Sali Berisha sot bëri një denoncim për vjedhjen e votave në Kamzë. Në një komunikim me gazetarët, Berisha lexoi mesazhin e një qytetari, i cili thotë se Dan Hutra, vrasësi i grave ka mbledhur vota për Rakip Sulin.
“Do t’ju sjell mesazhin e një qytetari nga Kamza. Zoti Berisha dua t’ju vë në dijeni të një fakti kriminal për masakrën elektoral në Kamzë.
Vrasësi famëkeq i grave Dan Hutra që kreu masakrën e 1 marsit duke vrarë tre gra dhe plagosi tre të tjera ishte punësuar në ujësjellësin e Kamzës që në tetor 2022 në këmbim të mbledhjes së votave për Rakip Sulin.
Vrasësi i grave natën vidhte banesa ndërsa ditën mblidhte vota për Rakip Sulin.
Operacioni për blerjen e votave ka nisur një vit më parë, kur Rama konfirmoi Rakip Sulin.
Rakip Suli dhe drejtori i ujësjellësit Gentian Murataj që është nga Kukësi, nga e njëjta zonë me Dan Hutrën ka zhdukur dosjen e Dan Hutrës”, tha Berisha.
