Presidenti i Serbisë, Aleksandër Vuçiç ka thënë se ka biseduar me serbët në veri të Kosovës dhe ka kërkuar që të protestojnë në mënyrë paqësore në raport me KFOR-in.
“Siç bënë dje dhe pardje, është e rëndësishme që ne të vazhdojmë të përpiqemi t’i bëjmë disa njerëz të kuptojnë se 3.4 për qind nuk janë zgjedhje legjitime dhe se ata nuk e imponojnë vullnetin e tyre me forcë dhe nuk fusin forca speciale policore apo ngacmojnë dhe persekutojnë popullin serb”, ka thënë presidenti serb.
Ai tha se sot do të ketë takime me Scholz dhe Macron, si dhe me shumë kryeministra dhe presidentë të tjerë.
“Ne do të përpiqemi të bëjmë më të mirën për t’i kthyer gjërat në normalitet dhe për t’i depërshkallëzuar, edhe nëse kjo do të ndodhë – duhen dy për tango dhe kjo nuk varet vetëm nga ne“, shtoi ai për mediat serbe.
