Kandidati i koalicionit “Bashkë Fitojmë” për bashkinë e Kuçovës, Lefter Maliqi ndihet i vlerësuar nga banorët e qytetit të Kuçovës dhe është i bindur që bashkinë Kucovë do ja u kthejë qytetarëve dhe nuk do e lejojë që oligarkët dhe kryebashkiaku aktual të abuzojnë me pasuritë e kësaj bashkie.
Me anë të një statusi në rrjetin e tij social, Lefter Maliqi ka falenderuar banorët e Kuçovës dhe komunave përreth për votën masive që i dhanë në 14 maj, duke theksuar dhe njëhërë se beteja e parë është fituar me vendimin e fundit të KAS.
“Ju pershëndes nga Kuçova! U jam borxhli banorëve të Kuçovës dhe të 3 ish Komunave Perondi, Kozare, Lumas! Sa të kem frymë do ja u kthej borxhin e votës së tyre masive dhe mbështetjes me vepra, gjurmë, mbeshtetje, investime etj. Kuçova do bëhet shembull i ndryshimit në vend. Bashkia Kuçovë do kthehet “Kantier Ndërtimi” shumë shpejt! Zotohem për këtë! Jam më i motivuar se kurrë më parë! Krenar që kam origjinën nga Lagjia më e vjetër “11 Janari”. Mirënjohje!
Mbetem çdo ditë me ju dhe krahë jush! Së bashku do ja dalim me fitore në çdo sfidë”, theksoi Maliqi.
