Grupi i deputetëve të Partisë Demokratike të drejtuar nga Sali Berisha kanë dorëzuar ditën e sotme në kryesinë e Kuvendit projektligjin për vendosjen e minimumit jetik prej 200 eurosh.
Ata thonë se kjo është një domosdoshmëri jetike për të nxjerrë shqiptarët nga varfëria ekstreme, duke theksuar se nga ky projektligj përfitojnë mijëra qytetarë me ndihmë ekonomike.
“Partia Demokratike dorëzoi sot në Kryesinë e Kuvendit projektligjin për vendosjen e minimumit jetik prej 200 eurosh për çdo shqiptar si një domosdoshmëri jetike, për të nxjerrë shqiptarët nga varfëria ekstreme.
Nga ky minimum përfitojnë qindra e mijëra qytetarë në ndihmë ekonomike, në papunësi dhe në pension”, theksojnë ata.
