Afër dt vite më parë Orinda Huta u bë nënë për herë të parë. Moderatorja dhe këngëtarja shqiptare solli në jetë vogëlushen e saj, Arara.
Gjatë gjithë kësaj kohe bukuroshja nuk ka folur shumë për ardhjen në jetë të Atarës, duke e lënë të pazbuluar “magjinë” që ka sjellë e vogla në familjen e Turit dhe Orindës.
Së fundmi, nënë dhe bijë kanë qenë në fokus të “Bordo”, duke ndarë me të gjithë përjetimet, emocionet dhe detajet nga 23 muaj plot nuanca lumturie.
E pyetur se çfarë ka ndryshuar pas lindjes së vajzës, Huta tha se kanë ndryshuar totalisht prioritetet, por pa e lënë në harresë veten e saj. Ajo tha se shfrytëzon çdo sekondë që të gjejë kohë për vogëlushen e saj.
“Kanë ndryshuar shumë gjëra, duke nisur me prioritetet e mia. Atara është gjithmonë e para. Ardhja në jetë e një fëmije, domosdo do ta ndryshojë jetën dhe faleminderit Zotit e bën më të bukur. Koha e lirë i dedikohet vetëm Atarës. Unë gjithnjë kam qenë duke vrapuar, por tani nuk ndalem. Çdo hapësirë që më jepet për të kaluar kohë me të, unë nuk e mendoj dy herë. Ajo është thuajse 23-muajshe tani dhe sërish nuk jam në gjendje të them se duhet të kaloj dhe pak kohë me veten. Jo nuk e kam harruar veten sepse kujdesem shumë, shfrytëzoj çdo sekondë. Ah, edhe diçka tjetër ka ndryshuar. Dikur kam pas fjetur 8-9 orë dhe kurrë nuk kam patur probleme me gjumin. Ky fat i mirë ka shkuar tashmë.”– është shprehur Orinda Huta.
Duket se Orinda ka gjetur një të mesme të artë mes karrierës dhe angazhimeve familjare.
