Ministrja e Arsimit dhe Sportit, Evis Kushi ka marrë pjësë sot në ceremoninë e promovimit të librit “Udhërrëfyesi juaj Olimpik” të përgatitur nga Prof. Marita Bulatova, zv. presidente e Komitetit Olimpik të Ukrainës.
Kushi u shpreh që libri për hërë të parë vjen dhë në gjuhën shqipe me iniciativë të Akademisë Olimpike Shqiptare, në kuadër të 30-vjetorit të saj, si dhe me mbështetje të KOKSH.
“E nderuar që mora pjesë në promovimin e librit “Udhërrëfyesi juaj Olimpik”, e një personaliteti të spikatur si Prof. Marita Bulatova, zv. presidente e Komitetit Olimpik të Ukrainës , presidente e Akademisë Olimpike të Ukrainës, zv. presidente e Akademive Olimpike Evropiane si dhe anëtare me të drejta të plota në Akademinë e Shkencave të Ukrainës.
Libri vjen për herë të parë në shqip me iniciativë të Akademisë Olimpike Shqiptare, në kuadër të 30-vjetorit të saj, si dhe me mbështetje të KOKSH.
Tashmë lexuesit dhe sportdashësit shqiptarë përmes këtij libri kanë mundësi të mësojnë më shumë mbi Lëvizjen Olimpike, duke përfshirë informacione mbi origjinën, historinë dhe vlerat e Olimpizmit.
Një falënderim i veçantë për të gjithë nxënësit dhe shkollat që kishin përgatitur një ekspozitë të veçantë të punimeve të tyre në kuadër të Javës Olimpike”, theksoi ministrja Kushi.
