Kryetarja e Kuvendit, Lindita Nikolla ditën e sotme ka zhvilluar një takim zyrtar në Bashkinë e Stokholmit duke inkurajuar bashkëpunim midis bashkive të Suedisë me bashkitë e vendit tonë.
Kryetarja Nikolla u prit nga Kryetari i Këshillit të qytetit, z. Olle Burell, i cili i njohu me funksionimin e qeverisjes së Stokholmit dhe disa aspekte të zhvillimit dhe shërbimeve publike për qytetarët.
“Një vizitë mbresëlënëse në Bashkinë e Stokholmit.
Kryetari i Këshillit të qytetit, z. Olle Burell, na njohu me funksionimin e qeverisjes së Stokholmit dhe disa aspekte të zhvillimit dhe shërbimeve publike për qytetarët.
Qeverisja vendore është një shtyllë e sistemit demokratik dhe qeverisja e Stokholmit rrezaton jo vetëm në Suedi , por në të gjithë kontinentin, sepse ky është një qytetet me prestigj të lartë ndërkombëtar.
Inkurajova Bashkinë e Stokholmit dhe bashkitë e tjera të Suedisë të ndërtojnë bashkëpunime me bashkitë e Shqipërisë, për t’u dhënë atyre mundësi për të përfituar nga kultura qeverisëse vendore suedeze”, tha Nikolla.
