Ditën e sotme, Bellingham u prezantua zyrtarisht si lojtari më i ri i Real Madrid. Mesfushori anglez do të ketë një kontratë 6 vjeçare dhe do të përfitojë 11 milionë euro në sezon dhe numri që do të mbajë në fanellë do të jetë 5-a. Ai ka folur edhe për herë të parë si lojtari i spanjollëve, duke cilësuar këtë ditë si më të mrekullueshmen e jetës së tij.
“Unë vetëm dua të them faleminderit për të gjithë këtu dhe ata që na ndjekin. Arrij në klubin më të mirë në botë. Më duhet të falenderoj shumë njerëz, Borussia, Juni Calafat, Jose Angle Sanchez…. Hala Madrid!
Është kënaqësi të jem këtu. Është klubi më i madh në histori, jo shumë kanë mundësi të luajnë këtu. I jam shumë mirënjohës atyre që më kanë sjellë këtu për të luajtur në këtë ekip. Paratë nuk janë aq të rëndësishme, nuk i kam menduar. Kisha oferta të tjera, por unë zgjodha Real Madrid.
Për mua është një mundësi e jashtëzakonshme të punoj me Ancelottin, është një trajner i jashtëzakonshëm”, është shprehur ndër të tjera Bellingham.
