“Te drejtat e të miturve përmes punimeve artistike”
Qendra Altri dhe QPKMR finalizuan eventin për të drejtat e të miturve përmes punimeve artistike të fëmijëve.
Qendra ALTRI me financimin e Agjencise Austriake për Zhvillim(ADA) në zbatim të projektit “Fuqizimi i të rinjve mbi drejtësinë penale për të miturit”, nga Terre des hommes – Albania dhe në bashkëpunim me Qendrën e Parandalimit të Krimeve te të Miturve dhe të Rinjve zhvilluan ditën e djeshme eventin Ekspozita “Të drejtat e të miturve përmes punimeve artistike”.
Gjatë kësaj ekspozite u prezantuan jo vetëm rezultatet dhe impakti qe pati zhvillimi I projektit dhe realizimi I aktiviteteve ndërgjegjësuese dhe informuese në 6 shkolla 9-vjecare dhe të mesme te Tiranës dhe në qendrën multidisiplinare, por u prezantuan edhe punimet artistike në formën e pikturave të realizuara nga nxënësit e shkollave të ndryshme mbi perceptimin e tyre të drejtësisë miqësore dhe të drejtat qe gëzojnë të miturit në një proces penal.
