Lauren Sanchez dhe biznesmeni miliarder, Jeff Bezos u fotografuan të premten duke vizituar Beaulie, një qytet bregdetar në Rivierën Franceze. Veç çiftit, vëmendje të madhe mori edhe unaza me gurë 20 karatësh në gishtin e saj.
Qyteti piktoresk është ndalesa më e fundit e çiftit në turin e tyre evropian, pasi ata kanë lundruar prej javësh në jahtin e Bezos-it prej 500 milionë eurosh.
Sanchez shihet në fotot duke mbështetur dorën e saj të majtë në një varkë, ndërsa unaza me vlerë rreth 2.5 milionë euro shkëlqente në rrezet e diellit. Ajo ishte e veshur me një fustan portokalli, ndërsa Bezos gjithashtu dukej elegant me një bluzë dhe xhinse të bardha.
Në maj u mësua se CEO i Amazon i propozoi Sanchezit pas pesë vitesh njohje. Propozimi erdhi në mes të udhëtimit të çiftit në Festivalin e Filmit në Kanë. Jeff filloi të takohej me 53-vjeçaren në janar të vitit 2019, pas ndarjes nga MacKenzie Scott
