Leonardo DiCaprio priti Neelam Gill dhe miqtë e saj modele në mega jahtin e tij prej afro 140 milionë eurosh gjatë fundjavës.
Superylli i Hollywoodit, 48 vjeç, e ftoi bukuroshen britanike, 28 vjeçe, t’i bashkohej atij dhe një sërë të ftuarish në bordin e anijes luksoze të quajtur Luc Leman, e cila është ankoruar në brigjet e Italisë.
Leonardo ka qenë duke pushuar në bregdetin mahnitës të Amalfit me babanë dhe njerkën e tij, të cilët ishin gjithashtu në bord në atë kohë.
Aktori mbante një bluzë të bardhë të thjeshtë dhe pantallona të shkurtra në stil ngjyrë bezhë, ndërsa gjithashtu kishte vënë një kapelë bejsbolli dhe gjerdan ari.
Neelam dukej e mrekullueshme me një fustan të mëndafshtë me një print që binte në sy dhe të cilin e bashkoi me një çantë dore jeshile.
Neelam-it iu bashkuan modelet Madison Headrick Nahmad, 29 vjeçe, e cila kishte veshur një bluzë me vija dhe pantallona të bardha, dhe Bianca Balti, 39 vjeçe, e cila mbërriti me një ansambël prej porcelani.
Pushimet italiane të yllit vijnë pak pasi modelja Gigi Hadid kaloi kohë me të dhe familjen e tij. Supermodelja dhe aktori fitues i “Oscar” u panë duke mbërritur në Chiltern Firehouse në Londër.
Dyshja e famshme janë përfolur vazhdimisht për një romancë, e cila nuk u konfirmua deri më tani.
Leonardo këtë periudhë është parë në shoqëri të femrave e modeleve më të bukura me famë botërore.
