Mesfushori Xhini Uijnaldum, është kthyer tek PSG-ja pas një viti në huazim te Roma. Në një intervistë për “L’ Equipe”, holandezi ka folur për dëmtimin në këmbë si dhe për trajnerin Zhoze Murinjo.
“Pas dëmtimit të këmbës, sezoni që zgjati vetëm tre muaj e gjysmë. U ktheva në Romë vetëm në dhjetor pasi përfundova rehabilitimin në Holandë. Klubi më ka ndihmuar shumë gjatë kësaj periudhe dhe më ka pëlqyer të luaja atje. E ardhmja? Para se të vendos, duhet të takoj PSG-në sepse ka shumë gjëra për të sqaruar. Kam mësuar se do të vijë një trajner i ri, por nuk duket plotësisht i përcaktuar. Nëse më kërkojnë të qëndroj në Paris, unë do të pranoj. Verën e kaluar klubi më la mënjanë sepse donin që unë të largohesha dhe unë e pranova. Gjatë vitit, fola disa herë me Al Khelaifi dhe Luis Kampos.
Përsa i përket Murinjos, njerëzit nuk e njohin atë. Thuhet shumë për të, por ai ishte fantastik me mua. Kur kisha nevojë për të mund të llogarisja praninë e tij, e konsideroj veten një futbollist më të mirë pasi më ka trajnuar “Special One”.
