Akoma pa përfunduar ‘zhurma’ që ish-kryetari Safet Gjici bëri duke u përfshirë në një skandal seksual në zyrat e bashkisë, Partia Socialiste po përgatitet për të zevëndësuar atë me një figurë të re dinjitoze.
Burime për Albania Times bëjnë me dije se një ndër kandidatët që përflitet brenda kampit socialist dhe strukturave vendore Kukës, për të garuar në zgjedhjet e ardhshme vendore, do të jetë prefekti i qarkut të Kukësit, Ali Hallaçi.
Ali Hallaçi ka qenë myfti i Kukësit në vitet 2001-2010.
Të njëjtat burime bëjnë me dije se në sitën e socialistëve do të kalojnë edhe 3 emra të tjerë.
Granit Gjana, drejtuesi aktual i bashkisë, për të cilin mësohet se është gjithashtu një ndër preferencat kryesore të Socialistëve. Ndërsa dy kanfidatët e tjerë të mundshëm që përflite është Astrit Dobrushi dhe Albert Halilaj.
Dy ditë më parë, këshilli i bashkisë kukës i kaloi kompetencat, nënkryetarit të bashkisë Granit Gjanës, i cili do të mbaj postin e kryetarit deri në ditën e zgjedhjeve të reja vendore.
