Deputeti i PS, Denis Deliu ka deklaruar ajo që ndodhi mes Grupit Wagner dhe shtetit të Rusisë ishte e paralajmëruar prej kohësh. Deliu u shpreh se nëse grushti i shtetit do të ishte realizuar do të kishte viktima në radhët e civilëve.
Sipas tij, pavarësisht se u arrit një marrëveshje, Putini nuk ka për t’i falur lehtë Grupit atë që tentoi të bënte, duke theksuar se do ketë arrestime dhe ndalim.
Grupi Wanger, tha Deliu, është i përbërë nga njerëz të dënuar për krime dhe vrasje makabre, ndaj edhe shteti rus e ti rrezikun e tyre.
“Kanë qenë të paralajmëruara sepse ka pasur një përplasje prej kohësh. Kjo ka ndodhur për shkak se grupi Ëagner duke luftuar në Ukrainë, lideri i tyre ka premtuar për arritje të sukseseve ndërkohë që kanë qemë humbje të mëdha dhe nuk janë realizuar objektivat.
Nga ana e ministrisë së Mbrojtës së Rusisë ka pasur kritika për shkak se Putini i ka besuar grupit më shumë sesa ushtrisë ruse.
Mua më vjen mirë që nuk u realizua ai grusht shteti sepse do kishte të vrarë në popullsinë civile.
Unë besoj që nuk është një inskenim. Në sytë e botës dhe shtetit rus pothuajse ndodhi një grusht shteti.
Është një prishje imazhi për shtetin e Rusisë dhe mendoj se grupi Wagner nuk do t’ia hedhë aq lehtë, pavarësisht se u arrit një marrëveshje. Unë mendoj që shteti rus nuk do ndalet me kaq, do ketë ndalime dhe arrestime.
Shteti rus e di rrezikun e grupit Wagner. Grupi Wagner njohin vetëm dhunën dhe krimet makabre, ata janë të gjithë të dënuar me vrasje.
Shteti rus pavarësisht nga arritja e marrëveshjes nuk do ti neglizhojë veprimet. Putini nuk e fal dot këtë. Nuk falet dot dikush që thyen rregullat.
Më vjen mirë që ky grup largohet nga Ukraina pasi kanë kryer krime. Këta persona nuk janë normale, kanë bërë krime, janë dënuar për vrasje dhe nuk kanë qëllim tjetër veçse të marrin pafajësinë.
Lufta në Ukrainë ka sjellë edhe ndryshime. Edhe Rusia edhe Ukraina kanë mësuar nga gabimet. Zgjatja e luftës e ndihmon Rusinë sepse nuk do bëjnë gabimet e para. Është gjithë perëndimit dhe NATO kundër Rusisë. Rusia është e vetme”, u shpreh Deliu.
