Cardi B ka reaguar pas deklaratës që bëri partneri i saj Offset i cili pretendonte se ajo e kishte tradhtuar atë.
Nëpërmjet një postimi në Twitter, Cardi B publikoi një pjesë të këngës “I Should’ve Cheated” nga Keyshia Cole përpara se të sqaronte të vërtetën e deklaratës së reperit.
“Mos i kushtoni vëmendje fshatarit”, tha Cardi.
“Unë jam Cardi B. Nëse do t’ia jepja këtë vaginë dikujt, do bëhej publike. Unë nuk mund të bëj seks me askënd sepse të gjithë do të flisnin. Pra, të lutem djalosh, mos u bëj budalla. Mos luaj me mua”- përfundoi reperja.
Kujtojmë se Offset e ka tradhtuar Cardi B disa herë.
Offset dhe Cardi B u martuan në një martesë të fshehtë në vitin 2017 dhe tre muaj më vonë një kasetë seksuale e tij me një grua tjetër u zbulua në internet.
Ai thuhet se e ka tradhtuar të paktën dy herë, duke bërë që Cardi të paraqesë kërkesë për divorc përpara se të kthehej sërish me të. Ata kanë dy fëmijë, një vajzë katërvjeçare Kulture dhe djalin Wave .
