Nga e hëna, 3 korrik, do të mbyllen mbyllen sportelet e kadastrës dhe shërbimi do të merret online. Tashmë qytetarët do t’i drejtohen platformës e-albania, nga e cila do të arrijnë të marrin dokumente me nënshkrim dhe me vulë elektronike.
Kryeministri Edi Rama dha detaje se si do t% veproje ky proces dhe si do trajtohet një pronë, Ai tha se askush nuk do ta di fillin, se si do të trajtohet një pronë, dhe kjo shtoi ai do t’i japë fund korrupsionit.
“Ditën e më 3 korrik ,kadastra nuk është e aksesueshme, për publik dhe askënd tjetër. Askund në kadastër nuk do mundet ti përgjigjet, asnjë nga kushërinjve që keni futur, asnjë nga miqtë e miqve keni futur në kadastër. Nuk do t’ju përgjigjen, sepse nuk keni në gjë në dore. Nga e hëna, kadastra do jetë makineri digjitale.
Punonjësit aty brenda, të cilët e them me kënaqësi se një pjesë, kanë filluar të largohen, sepse nuk kanë asnjë mundësi të bëjë asgjë tjetër përveçse punës së tyre para një kompjuteri, nuk e devijojnë në asnjë drejtim sipas dëshirës. Nuk mund të kesh zgjidh ti se kujt mund ti shërbesh. Nga e hëna, tre korrik, punonjësi i Kadastrës në Shkodër, si t’ia nxjerrë algoritmi rastin për të trajtuar për një pronë në Delvinë, punonjësit të Gjirokastrës do ti dalë në kompjuter rasti për të trajtuar një pronë në Tropojë dhe askush nuk do gjejë fillin se si trajtohet prona, përveç makinerisë digjitale. Qytetarëve u bëj thirrje të mos shkojnë në kadastër sepse nuk i pret askush. Kadastra është një dritare përmes e-albania. Aty bëhen aplikimet, aty merren përgjigjet, aty vjen dokumenti me vulën dhe me nënshkrimin elektronik.”, tha Rama
